Likom nga Promisa

Ginakueang ako it bisaea
Agud ika paabot kimo
Pero bisan pa, akong hinyo
Nga sa akong pag-ako
Nga ikaw hay hinigugma
Kunta hay mahangpan mo
Ako hay tawo man lang
May kinahang-ean, may kahinaan
Indi ko kimo ika-promisa
Pareho ko iba
Rong mga bituon ag ro buean
Una sa kaeangitan
Haead ko kimo
Akong taguipusoon
Puno it nina
Padayon nga nagabaga
Bisan pa nga kon amat
Hay maeuya.

Phone Talks

Others may have the Sun
And the Globe through which they can send you sweet messages
Some are even Smart enough
To keep in touch once in a while
To show you how handsome they have become

Yet through all these innovations
And awesome state of the art telecommunication devices
I, in my solitude in the silence of the night,
Watch the far off stars shinning quietly
Assuring me that you’re safe from the cunnings of Smart people
Happy to be in the Globe under the caressing rays of the Sun.

Morning Jam

I played your River Maya
on my hi-fi stereo
this morning.

It's cool--like Coke;
I thought so.

Maybe I was just fascinated
not so much of its rhythmic gait
than by the very fact that
it's your favorite.

Or perhaps,

well, I utterly missed you.
And that's enough reason
for me to listen to
and enjoy your kind of music--

And to think that
I kept on playing it
back and again,
and again.

GUIN-AYWANAN KO RONG TANAN (nabasi sa obra ni Evagrios Ponticus)

Ro pangamuyo hay ro bueak it pagkamalolo
Ro kahilwayan haling sa dumot ag kaakig nga nagahalin sa sueod.
Ro pangamuyo hay ro bunga it kalipay ag pagpasaeamat
Ro bueong sa owa’t pag-eaum ag saea.

Ro pangamuyo hay ro pinakamataas nga katuyuan
Ro pagsaka ku tawo sa sabak it Dios
Ro putli nga kaueag
Ro kahilwayan sa kaeainan nga tanan.

Guin-aywanan ko rong tanan eamang agod nga maagom rong tanan.
Rong kahilwayan sa tanan imaw ro akong guin-agom.
Guin-aywanan ko rong tanan eamang agod maagom ro tanan
Si Jesus hay ro kamatuoran, ro kabuhi, ro daean.

IKAW AG RO MGA SOFTDRINKS

Kainang agahon
Sa akong pagbugtaw
Hadumduman ko ro isaeang ka panamgo—
Panamgo nahanungod kimo.

Mayad siguro hay isugid ko
Ugaling hay medyo nahuya ako
Ag nahadlok nga basi ma-mis-interpretar mo.

Sa akong damgo
Ikaw hay anggid sa Coca-Cola,
Bukon eang ro ing eawas
Kundi pati man ro ing ugali,
Royon ay bangod, “cool ka lang,”

Anggid man ikaw sa Pepsi.
Ro imong pagkatawo hay iresistable
Ngani nga ako hay guina-uhaw kimo, permi!
Ro imong kinaiya hay Pinoy nga Pinoy guid,
Matsa Pop Cola—hamueain guid sa iba!

Bangod kara
Kon kaiping ka
Ako hay perming nakabati it hutik halin sa akong angel de la guardia:
“Akbayan mo na.”
“Indi pwede,” rason ko kana, “mainit kasi.”

Mayad eang ay may 7-up
Nga nagapahagan-hagan…

Pero akon nga guinakuebaan
Ro oras nga magrebelde ro akong kaugalingon
Ag eumumpat sa kantil nga nagasinggit:
“Aaaaaaaaaaaahhhh!” (read: Express yourself, take the Dew!)

Ay, mabudlay guid ‘t a
Ro “magpakatotoo” sa sitwasyon nga makara.
Kapin ay ka-date ko ro akong princesa,
Maeag-ok eon lang ako it Sprite
Agod indi guid hidunlan
Biskan pa nga nagapanamgo
Nga mangin imong Coca-cola.

Huo, “ang sarap sigurong maging Coca-cola mo.”

IHAPON SA PLAZA

Sueangon ko ikaw hinduna,
Kung ro mga agagangis hay gakinanta eon
Ag ro adlaw hay nagaharo sa ayutong it Eumati
Nga mapamantawan mo sa may bintana.

Atong sakyan ro guinrentahan ko nga Mercedes Benz
Kay “la Moning nga tag-ana ku Urban Funeral Homes.
Ugaling, ihatod ko anay it una si ‘tay Mabing
Agod nga may matukar ku sonata ni Paganini
Sa atong pag-abot sa banwa una banda sa ay ‘tay Libing.

Hahueam ko eon ngani ro kandilabra kay Padre
Ag haplastar eon ku a’ng bodyguard ro lamisa.
Nag-abot eon man ro sang-dosena nga rosas nga puea
Nga akong guin-order sa Hardin de Badana.

Sinigang nga sugpo ro akong guin-eaha
Nga may eamhay nga tangkong ag labanos
Nga guin-utang ko kay ‘nay Baning.
Pero si Luis hay naglitson it urok
Ag may fruit salad man nga guin-obra si Nanay.
Kung hidunlan ka, may una nga Sprite nga guinbakae ko kay Hanna
Nga pwede mo hieag-ok—basta “magpakatotoo ka!”

Ngani hay dapat nga naka-cocktail dress ka guid
Agod bagayan man sa okasyon.
Ag isuksok mo gali ro ing sing-sing,
Ipahid mo man sa imong dughan ag sa idaeom
It imong dueonggan ro Chanel nga guinregalo ko anay kimo
Ku nagtaliwan nga Valentine’s.

Ay ako man ngani hay magasuksok it coat and tie nga akong hahueam
Sa akon anay nga classmate sa RMSAT (RMCAT eot’a makaron)
Nga medyo asenso eot’a sa anang negosyo, si Felix Sampaton.
Guinsukat ko eon ngani ag nanami-an guid imaw.
Ana ako nga guinhanduan nga kon pwede kuno ako nga mangin modelo
It eambong—ag kabaong. Sinakon hay indi eagi ako makadesisyon
Ay kimo ako pa hay maeaong.

Sa akong puepini-ino, hay mayad man
Nga makaon kita sa guwa,
Presko ag romantiko
Samtang sigue ro tukar ku violin ni ‘tay Mabing.
Indi eang pagkalimti ro ing kaeo
Ay bangod ku tun-og ikaw hay basi sip-unon.

O, s’ya sigue. Hinduna ha?

GUINA USOY KO IKAW (Basi sa obra ni San Juan dela Cruz)

Ano do akong saea kimo, Fairy ko?
Ham-an a nga imong guin pamaskan
Ang taguipusoon ngara?
Guinturag ku ro mariit
Nga taeon sa pag-usoy kimo
Eamang nga panghatdan ka
Pero hay nanago kat ing.

Ahay, manong manangguite,
Kun pananglitan nga hipamantawan mo
Imaw, rong Engkantadang Haeandumon,
Palihog guid ihambae kana,
Kabuhay eon ro akong usoy,
Guinahidlaw ag guinasubuan eot ang
Ag amat-amat nga naga euya.

Guin-usoy ta ikaw sa Kau-i
Pero idto kat ing siguro sa nonok…
(suma abo mat a ing sumueonod idto, he, he, he)
Ngani nga indi a himayang ro akong buot,
Owa’t pahuway ag nagakaeangkag
Nga makaibahan ka bisan pa nga sa kaibuturan
Una rong kahadlok nga rong busoe it Balete
Hay maeo-o ag mamatay.

Ahay, manang manghahaboe,
Kun pananglitan nga hikit-an mo
Imaw, rong Engkantadang Haeandumon,
Palihog guid isugid kana,
Imaw ro akong kasadya,
Panamgo ag kapares nga naduea;
Kon owa imaw ako hay maeuya.

SURPRESA

Abi ko owa eo’t a it baeatyagon,
Owa’t kanta, owa’t handum
Ro maila nga taguipusoon ko ngara.

Ugaling sa imong pag-abot daea mo
Rong dupoy-dupoy nga fresco
Ro imong alima hay naka-agbay
Sa akong abaga sa oras nga nagakinahang-ean it amiga.
Imo ako nga guinpukaw,
Guinpasadya ku imong matalinghagang limog,
Guinbasbasan it tubi nga dalisay
Ag ro imong maea-engkantadang presencia
Hay nagpabakod kakon,
Nagdaea it kaeangkag
Ag ako hay nalikupan it kahamungaya.

Owa ko hipan-uhi, owa ko hitaeupangdi,
imo eo’t ang binihag
Ro mahugop nga taguipusoon ko ngara!

Misery

I’m a withered leaf
Fallen early from a sturdy Balete tree;
I’m a juvenile caterpillar
Yet tired with this business of eating
And crawling and struggling for the top;
I’m an insignificant dirt
Trampled upon by busy feet
Along Ayala Avenue
Solitary and hopeless
Doubtful even of the dawn of another day.

AN INVISIBLE MAN

I called and nobody answered.
I wrote and no one read.
I smiled and no one responded.
I knocked on the door and no one opened it for me.
I talked and no one listened.
I painted and nobody admired my piece.
I was hungry and no one gave me food to eat.
I was sad and nobody consoled me.
I was weak and no one lent a hand.
I was lost and nobody cared to show me the right direction.
I was alone and nobody accompanied me.
I was frustrated and no one encouraged me.
I was tired and nobody gave a room in the inn where I can rest.
I was naked and no one clothed me.
I toiled and nobody appreciated my work.
I left and nobody missed me.
I died and no one cried.
My broken spirit asked why and got an answer:
It was so because I was an invisible man.

HUMOT KU NAGTALIWAN

Ku Sabado, mga alas 9:48 sa gabii,
ka’t ro kanta ni Barry Manilow nga
“Somewhere Down the Road” hay nagatukar
sa akong Sharp Stereo nga ona
sa akong kwarto,

ro humot ku bueak nga imo
kakon nga guinta-o hay akong hahumgan.
Guin-igpit ku imaw sa akong Journal
nga akon nga nakaugalian nga bukaron kada

gabii bago ako magtueog agod
isueat ro mga hitabo ku adlaw nga nagtaliwan,
ro mga nahataeupangdan sa palibot,
ro mga likod nga mensahe ku akong pinalangga.

Makaron, siyam nga adlaw eon ro nagtaliwan,
ro hugom hay nagapadayon sa pagta-o
it kahumot sa kwarto ko nga madueom,
nagapadumdum ku nagtaliwan nga kasadya

ka’t iya ka pa anay sa akong euyo
nga nagasandig sa akong abaga
ag naga-istorya nahanungod sa mga kanding
nga nagahang-eab sa pilapil sa tabok ku tangki

nga atong guinapamantaw kon hapon.
Imong hambae hay naga-uli eon
sanda sa baeay ku andang amo
nga sa atong guinapungkoan nga bato

hay indi makit-an
bangod ku kahoy nga nagasalipod,
nga ku ulihi atong hataeupangdan
bangod ku humot nga gali ‘t a hay Ilang-ilang.

Guintan-aw ta kon may baeay o owa,
ag tama ‘t a ako, ay owa guid man
pero hay pareho kita nga nalipay
bangod ku pagka-taeupangod
ku mahumot nga bueak

nga nagatubo sa atong maisot nga paraiso.
Pero rato hay humot eon lang ku nagtaliwan
ay makaron eo’t a ikaw hay mapanaw.
Vaya con Dios, dahan eang, akong Ilang-ilang.
Ro imong humot iya man guihapon sa akong panumduman.

SA AKONG KAUHAW

Paano ko baea isugid kimo
Pamatyagan ko nga guinakueang
It hambaeanon agod
Ipahangop ro akong panamgo.

Kuno ikaw hay lin-ay nga nagapahilay-hilay
Nagabuead ku imong maeupsi nga panit
Rina sa baybay.
Samtang ako hay nagapalitik
Kon paano mo hitaw-an it igtaeupangod
Ay nabudlayan man hipaeupad
Ro bulador nga hinueam ko sa unga
Ni ‘tay Insik.

Paano baea nga magsub-eang
Ro panueok ku atong mga mata
Ay sige ma’t a ro imong basa.
Pwede baea nga taw-an ta eon lang
It maeamig nga 7-Up ag i-rason ko nga :”Mainit Kasi?”

Matsa corny. Pero, owa’t kaso
Basta eang nga hipan-uhan mo ako.
Basi pa man lang…
Owa man siguro it maeain nga
Dayawon ko sa panueok ro imong ka-guapa
Samtang sige ro eag-ok it 7-Up
Eamang agod biskan paano
Malipatan ko ro a’ng kauhaw
Makaron nga sige ro silak ku adlaw.

Buhi nga Paghigugma

Kon amat
Nagaabot kakon rong baeatyagon
Nga indi ko man ngani maintiendihan
Owa gakasinanto sa mga rason
It tama nga panghuna-huna
Ag ku conventional nga panan-awan
Indi maipaathag it piniino
Nga tadlong
Suno sa kinamugtawan ag pagsueondan
It mahinusgahon nga sociodad
Saea para sa mga matarung una sa katilingban
Pero buhi nga gin-eubong sa kaibuturan
It taguipusoon nga nakakulong sa hawla
It kasugu-an
Nga makaron hay amat-amat nga nagatubo
Sa madueom nga karsel
Naga-usoy it kapawa
Ikapabutyag rong buhi nga paghigugma

A POEM FOR YOU

This is a poem
supposedly made for you.
You seem to be unaware
so I thought through this
I could let you know.

Having you near me
is like having a glass of chilled Coke
after a day’s hike to the Agtawagon.
Or like Rafael’s saying,
“What a relief” when he enters
an air-conditioned room.

Being so close to you
makes me crave for a serving of
halo-halo.
It stirs me to write poems
as crazy as Leticia.

So you see the magic,
or the enchantment (whichever you prefer)
your presence can conjure…
But for sure,
you’ve awaken the creative in me
so that I found a way
to tell you that you mean more to me,
Fairy ko!