Handumanan

Sa haponanon mahueog
rong dahon it panumduman

Amat-amat nakon ron nga pueoton
hinduna, hin-aga bisan pa nga ako hay maeuya

Akon nga tipunon ag pahaegahan
timaan it aton nga paghigugmaanan

Akon nga handumanan.

Ro Gugma hay Kau-i

Guinakatahapan,
Guinakakuebaan,
Nagapakahangawa sa tawong umaeagi;
Misteryuso,
Palhi,
Naga panabi-tabi ro tawong umaeagi;
Ikaw hay Engkantadang haeandon
Ro imong gugma hay Kau-i
Sieilungan ku matalinhagang kamatuoran,
Guinapamantaw sa maeayo,
Haeandumon nga maadtunan,
Panamgo ku tawong umaeagi;
Guina-respeto,
Guina-haeungan,
Balaan para sa tawong umaeagi,
Ro Kau-i nga gugma,
Ro Gugma nga kau-i.